СОНГОН ШАЛГАРУУЛАЛТЫН ЗАР

Булган /МОНЦАМЭ/ Булган аймгийн Хөгжимт драмын театрын уран бүтээлчид “Учиртай гурван толгой” дуулалт жүжгийг 33 жилийн дараа ардын ая дантайгаар тоглосон юм. Орхон аймгийн Засаг дарга С.Батжаргал: -“Учиртай гурван толгой” дуулалт жүжгийн бүх зардлыг дааж аймгийнхаа иргэдэд сонирхуулна гэж Булган, Орхон аймгийн Засаг даргатай байгуулсан хамтын ажиллагааны гэрээний хүрээнд аймгийн Хөгжимт жүжгийн театр, “Эрдэнэт” дуу бүжгийн чуулгын уран бүтээлчдийн хамтарсан "Монголоо дуулъя" тоглолтын үеэр хэлсэн юм. Монгол Улсын Урлагийн гавьяат зүтгэлтэн Л.Эрдэнэбулган энэхүү дуулалт жүжгийг найруулан тавихад бэлэн болоход цар тахал гарч үзвэр үйлчилгээ жил гаруй хугацаанд хязгаарлагдсан. Нэрт найруулагч агсны сүүлчийн хүсэл, мөрөөдлийг биелүүлж, найруулагч Д.Отгонбаатар гүйцэтгэгч найруулагчаар ажиллаж, хөгжимт жүжгийн театрын уран бүтээлчид дуулалт жүжгийг үзэгчдэд толилуулж байна.