Анхдугаар Үндсэн хуулиа баталж, дэлхий дахинаа Бүгд Найрамдах Монгол Ард Улсаа тунхаглан зарласны түүхт 101 жилийн ойн баярын мэндийг Монголын нийт иргэд, эх оронч зон олон та бүхэнд өргөн дэвшүүлье.
1924 оны түүхэн энэ өдөр монголчууд шинэ төрийн байгууллын сууриа тавьж, тусгаар тогтнол, эрх чөлөө, эв нэгдлийн үнэ цэнийг дэлхий нийтэд нотлон харуулсан билээ. Энэхүү түүхэн үйл явдал нь Монгол Улсын хөгжил дэвшлийн эхлэл, ирээдүй үеийнхний бахархал, үнэт өв болон үлдсэн юм.
Эх орныхоо тусгаар тогтнолыг баталгаажуулж, үндэсний язгуур эрх ашиг, ард түмнийхээ ирээдүйг бүтээсэн өвөг дээдсийн алдар гавьяа үеийн үед дуурсагдах болно.
ТУСГААР МОНГОЛЫН СҮР ХҮЧ МӨНХӨД МАНДАН БАДРАГ