НҮБХХ-ийн "Оролцоо" хөтөлбөрийн хүрээнд аймгийн 16 сумын ИТХ-ын нарийн бичгийн дарга, ажилтнуудыг "Улс орон нутгийн төсвийн хөрөнгөөр хэрэгжиж буй хөрөнгө оруулалтын төсөл, арга хэмжээнд иргэдийн оролцоотой хяналт-үнэлгээ хийх" журам болон түүнийг хэрэгжүүлэх аргачлалын талаар мэдлэг олгох сургалтыг зохион байгууллаа.
Тус сургалт нь сумдын ИТХ-ын ажилтнуудын сум, багийн түвшинд Хурлын үйл ажиллагаанд иргэдийн оролцоог нэмэгдүүлэх талаарх бодлого, эрх зүйн баримт бичигтэй танилцах, хяналт-үнэлгээний мэдлэгийг нэмэгдүүлэх, олон нийтийн оролцоотой хяналт-үнэлгээний журам, аргачлал, арга зүйг хэрэгжүүлэх ур чадварыг эзэмшүүлэхэд чиглэсэн ба сумдын сургагч багш нарыг бэлтгэлээ.
