Аймгийн ИТХ-ын даргын баталсан удирдамжийн дагуу Хурлын ажлын албаны дарга О. Наранжаргалаар ахлуулсан ажлын хэсэг /2025.05.14-2025.05.16/өдрүүдэд Сайхан, Баян-Агт,Хутаг-Өндөр суманд ажиллав.
Тус ажлын хэсэг дээрх сумдын Хурлын үйл ажиллагаатай танилцаж, мэргэжил аргазүйн зөвлөгөө өглөө. Мөн "Нутгийн өөрөө удирдах байгууллагын эрх зүйн үндэс,чадавх",
“Төлөөлөгчийн ёс зүй, харилцаа хандлагын тухай", "Аймгийн ИТХ-ын 2025-2028 оны стратеги төлөвлөгөөний тухай, “Авлигын эсрэг хууль болон ашиг сонирхлын зөрчлөөс урьдчилан сэргийлэх тухай, "Иргэний оролцоог хангах, хяналтын бүлэг байгуулах тухай" болон "Гэр бүлийн цэнэ” гэсэн сэдвээр сумдын ИТХ
Төлөөлөгч, багийн Засаг дарга, багийн иргэдийн Нийтийн Хурлын дарга, багийн ИНХ-ын зөвлөлийн гишүүд болон төрийн албан хаагчдад сургалт мэдээллийг хүргэлээ.
Хурын ажлын алба гавьяат багш, төрийн удирдлагын доктор, ШУТИС-ийн хүндэт профессор Ш.Ганбат болон "Гэрэлт ирээдүй оршихуй" ТББ-ын тэргүүн Х.Нарангэрэлтэй хамтран ажилласан.
