"Аймгийн иргэдийн Төлөөлөгчдийн Хурлын 2025-2028 оны стратеги төлөвлөгөө"-ний төсөлд санал авахаар аймгийн ИТХ-ын төлөөлөгчдөөс бүрдсэн ажлын хэсгийн гишүүд, сумдын ИТХ-ын дарга, нарийн бичгийн дарга, ажлын албаны ажилтнууд цахимаар хуралдлаа.
Ажлын хэсгийн даргаар ИТХ-ын төлөөлөгч П.Лхагва-Очир, гишүүдээр ИТХ-ын төлөөлөгч Б.Дэлгэр, Х.Ууганбаяр, Ч.Оюунчимэг, Т.Баярбат, Г.Ганбаатар нар ажиллаж байна.
Хурлаар "Аймгийн ИТХ-ын 2025-2028 оны стратеги төлөвлөгөө боловсруулах судалгааны үндэслэл, арга зүй"-н тухай Социологийн болон хөгжлийн бодлогын магистр Б.Доржпагам, "Аймгийн ИТХ-ын 2025-2028 оны стратеги төлөвлөгөөний төсөл"-ийн тухай Социологийн магистр Д.Аюуш, "Олон улсын хандлага, сайн туршлага"-ын тухай Нийтийн удирдлагын магистр Ж.Ариунцэцэг нар танилцуулж, стратеги төлөвлөгөөний төсөлд тусгах санал авлаа.
