Булган аймаг болон сумын ГХУСАЗСЗ, Булган аймгийн Цагдаагийн газар, Засаг даргын Тамгын газар, Хууль, эрх зүйн хэлтэс, аймгийн ИТХ-ын дэргэдэх Иргэний зөвлөл хамтран “Замын хөдөлгөөний аюулгүй байдлын нөхцөл байдал” сэдэвт хэлэлцүүлгийг Булган аймгийн Гэр бүл, Хүүхэд, Залуучуудын хөгжлийн газрын хурлын танхимд 2023 оны 05 дугаар сарын 29-ний өдөр зохион байгууллаа. 

    Зам тээврийн осол, хэргээс урьдчилан сэргийлэх, тулгамдаж буй асуудал сэдвээр төрийн болон төрийн бус байгууллагын төлөөлөл, багийн Засаг дарга, нийгмийн ажилтан, ерөнхий боловсролын сургуулийн багш, нийгмийн ажилтан, иргэдийг урьж оролцуулав. 

     Хэлэлцүүлгийг нээж Булган аймгийн Засаг даргын орлогч дарга Д.Жаргалсайхан, Цагдаагийн газрын дарга, цагдаагийн хурандаа Л.Ганбаатар нар нээж хэлэлцүүлэг зохион байгуулж байгаад талархал илэрхийлж энэхүү төрлийн гэмт хэрэг, зөрчлийг бууруулах бодитой ажил, арга хэмжээг хамтдаа зохион байгуулан ажиллах талаар үг хэлж санал, бодлоо илэрхийллээ.