Аймгийн ИТХ-ын дарга Д.Эрдэнэбат, Байгаль орчин, экологийн хорооны дарга С.Гал-Эрдэнэ тэргүүтэй аймгийн ИТХ-ын төлөөлөгчид "ОХУ-ЫН БҮГД НАЙРАМДАХ БУРИАД УЛСЫН ЕРӨНХИЙЛӨГЧ, ЗАСГИЙН ГАЗРЫН ТӨЛӨӨЛӨГЧДИЙН АЙЛЧЛАЛ, ХӨТӨЛБӨРТ АРГА ХЭМЖЭЭ"-ний хүрээнд Сүхбаатар суманд зохион байгуулагдаж буй жимс, жимсгэний модны тарьц суулгацын үзэсгэлэн худалдаагаар зочиллоо.
      Үзэсгэлэн худалдаагаар 23 гаруй нэр төрлийн модны суулгац худалдаалагдаж буй бөгөөд стандартын шаардлага хангасан модны тарьц, суулгацаар иргэдийг хангах, мод тарьж ургуулах талаар мэргэжлийн зөвлөмж, зөвлөгөө өгч байна.
       Мөн Баяннуур, Бүрэгхангай, Могод, Рашаант сумдын удирдлагууд "Тэрбум мод" үндэсний хөдөлгөөний хүрээнд зарим мод үржүүлгийн газартай хамтран ажиллах талаар санал солилцлоо.