УИХ-ын гишүүн О.Батнасан орон нутагт ажиллаж байна. Тэрээр өнөөдөр аймаг орон нутгийн удирдлагуудын хамтаар Жаргалант сумын 12 багийн 200 гаруй ахмадуудтай  уулзалт хийлээ.  Уулзалтын эхэнд УИХ-ын гишүүн О.Батнасан хэлэхдээ: “Ховд аймгаас сонгогдсон гурван гишүүн гурван тойргоос сонгогдсон ч гэлээ миний хувьд аймгийнхаа нийт иргэд сонгогчидтой уулзаж, санал бодлыг нь сонсож ажиллана гэдгээ илэрхийллээ. Тэрээр  ахмад буурлууддаа  урт удаан насалж, сар шинэдээ сайхан шинэлэхийн өлзийтэй ерөөлийг өргөн дэвшүүлж, 70-аас дээш настай ахмадууддаа  гарын бэлэг гардууллаа. УИХ-ын гишүүн О.Батнасан 2 дугаар сарын 15 наас эхлэн тойргийнхоо сумдад очиж ажиллан хөдөөгийн малчид ард иргэдэд төр засгийн мэдээ мэдээллийг хүргэж, УИХ-аас баталж гаргасан хуулийг сурталчлах, иргэдийн дуу хоолойг сонсон ажиллахаар төлөвлөж байна.