Хангал суманд "Өсвөр үеийн аймгийн аварга шалгаруулах Мини волейболын тэмцээн"-ийг амжилттай зохион байгууллаа. Тэмцээнд Булган сум, Бүрэгхангай, Хутаг-Өндөр, Сэлэнгэ, Бугат, Хангал, Хялганат тосгоны нийт 100 гаруй тамирчид, урилгаар Хангал сумын уугуул Монгол улсын гавьяат багш волейболын спортын мастер Банзрагч, СБС-ийн анхны хичээлийн эрхлэгч Алтангэрэл, волейболын СМ М.Мөнхболд нар оролцлоо. Тэмцээн 2 өдөр үргэлжилж аваргуудаа шалгарууллаа. Эрэгтэй багаас 1-р байранд Хангал сумын баг тамирчид, 2-р байранд Бүрэгхангай сумын баг тамирчид, 3-р байранд Хутаг-өндөр сумын баг тамирчид тус тус эзэллээ. Эмэгтэй багаас 1-р байранд Бүрэгхангай сумын баг, 2-р байранд Хутаг-өндөр сумын баг, 3-р байранд Хялганат тосгоны баг хамт олон тус тус эзэллээ. Шилдэг довтлогчоор Хангал сумын 8А ангийн сурагч М.Ариунбаатар, Шилдэг холбогчоор 8А ангийн сурагч Э.Золжаргал, Өсөх ирээдүйтэй тоглогчоор 5А ангийн сурагч Э.Тэлмүүн, 3А ангийн сурагч А.Сарантуяа нар тус тус шалгарлаа. Нийт тамирчиддаа цаашдын спортын өндөр амжилтыг хүсэн ерөөе