“Эх үрсийн баяр” сумын төвд болж өнгөрлөө. Баярын арга хэмжээнд сумын Иргэдийн Төлөөлөгчдийн Хурлын дарга, Нарийн бичгийн дарга, Засаг дарга, Засаг Даргын Тамгын Газрын дарга, Засаг даргын орлогч оролцож хүүхэд багачууддаа баярын мэндчилгээ дэвшүүллээ. Мөн Монгол Улсын Ерөнхийлөгчийн 2015 оны 05 дугаар сарын 27-ны өдрийн  79 дүгээр зарлигаар “Алдарт эх”-ийн 1, 2 дугаар зэргийн одонгоор шагнагдах сумын Буурал, Зулзага, Салхит багийн харъяат нийт 12 эхчүүдийн одонг гардууллаа.

Мөн энэ өдөр Зулзага багийн иргэн сумын сайн малчин С.Энхбат гэр бүлийн хамт сумын 16 дугаар цэцэрлэгт өргөө цагаан гэрийг бэлгэлэв. Үүгээр Зулзага багийн хүүхдүүд маань гэр цэцэрлэгтэй боллоо.