Аймгийн Засаг даргын 2024-2028 оны үйл ажиллагааны хөтөлбөрт Ховд олон улсын нисэх буудлыг 4С ангилалд нийцүүлэн өргөтгөхтэй холбоотой "Төлөөлөгчдийн өдөр" арга хэмжээг өнөөдөр (2025.05.19) аймгийн ИТХ-ын Ажлын албанаас зохион байгуулж байна.
Арга хэмжээний эхэнд аймгийн ИТХ-ын дарга З.Эрхбаяр "Тува улсад ажилласан айлчлал"-ын танилцуулга, мэдээллийг хүргэв.
Мөн Ховд Нисэх буудлын дарга Б.Болорцэцэг болон холбогдох инженер, мэргэжилтнүүд "Ховд Нисэх буудал"-ын мэдээлэл, тулгамдсан асуудлын талаар танилцууллаа.Ховд олон улсын нисэх буудлыг 4С ангилалд нийцүүлэн өргөтгөхтэй холбоотой тодорхой санхүүжилтийн дэмжлэг үзүүлэхийг төлөөлөгчдөөс хүслээ.2025 онд Монгол улсад нисэх хүчин үүсэн байгуулагдсаны 100 жилийн ой тохиож байгаа бол 2026 онд Ховд Нисэх буудлын 70 жилийн ой болно.
