Сумын Иргэдийн Төлөөлөгчдийн Хурлын 2022 оны 09 дүгээр сарын 14-ний өдрийн 10/12 тоот тогтоолоор сумын Соёлын төвийг МУУГЗ, ОХУ-ын Буриад Улсын СГЗ Д.Нацагдоржийн нэрэмжит Соёлын төв болгохоор шийдвэрлэсэн бөгөөд 2022 оны 11 дүгээр сарын 26-ны өдөр нэрэмжит болсны албан ёсны хүндэтгэлийн үйл ажиллагаа зохион байгуулагдлаа. Арга хэмжээний үеэр МУ-ын Урлагийн гавьяат зүтгэлтэн, Буриад Улсын Соёлын гавьяат зүтгэлтэн Дамбадоогийн Нацагдоржийг ‘’ДАЛАНЖАРГАЛАН СУМЫН ХҮНДЭТ ИРГЭН’’-ээр өргөмжлөлөө. Мөн Монгол Улсын “Соёлын тэргүүний ажилтан”-аар Т.Доржпалам, МУ-ын “Тэргүүний ардын авьяастан”-аар Б.Зоригтбаатар, “Соёлын гавьяа” одонгоор Б.Батсүрэн нар тус тус шагнагдлаа. Хүндэтгэлийн үйл ажиллагааны үеэр МУ-ын Соёлын тэргүүний ажилтан, дуучин Б.Баяндалай ая дууны мэндчилгээ дэвшүүлж, Дорноговь аймгийн Саран хөхөө театр, Говьсүмбэр аймгийн Боржигон чуулгын уран бүтээлчдийн хамтарсан урлагийн тоглолт зохион байгуулагдлаа.