Дэлхийн цаг уурын байгууллагын гишүүн орнууд 1963 оноос эхлэн жил бүрийн 3 дугаар сарын 23-нд тухайн үеийнхээ тулгамдсан нэгэн чухал сэдвийн дор "Дэлхийн цаг уурын өдөр"-ийг тэмдэглэн өнгөрүүлдэг уламжлалтай болсон байна.
ДЦУБ-ын үндсэн үүрэг бол цаг агаар, уур амьсгал болон усны гамшигт үзэгдлээс хүний амь нас болоод эд хөрөнгийг өдөр бүр, цаг минут тутамд хамгаалах явдал байдаг бөгөөд 2022 оны Дэлхийн цаг уурын өдрийг “Эрт сэрэмжлүүлж, эртнээс арга хэмжээ авъя” гэсэн сэдвээр тэмдэглэн өнгөрүүлж байна.
Цаг агаарын аюулт үзэгдлээс ард олноо сэрэмжлүүлэх чухал салбарт хүчин зүтгэж ирсэн үе, үеийн ахмадууддаа болон мэргэжилтэн, албан хаагчиддаа Дэлхийн цаг уурын өдрийн мэндийг дэвшүүлье.
