"Тогтвортой амьжиргаа-3" төслийн хүрээнд 2020 онд 330 сумын Орон Нутгийн Хөгжлийн Сангийн үйл ажиллагаанд "Жилийн гүйцэтгэлийн үнэлгээ" хийж гүйцэтгэн, үнэлгээний дүнг нэгтгэн онооны дарааллаар жагсааж, гүйцэтгэлд суурилсан урамшуулал олгох сумдыг тодорхойлж 2021 оны төсвийн төсөлд тусгадаг. Тус үнэлгээг Орон Нутгийн Хөгжлийн Сангийн үйл ажиллагааг сайжруулах зорилгоор 2016 оноос эхлэн хийсэн бөгөөд үнэлгээ хийсэн анхны жил буюу 2016 онд улсын хэмжээнд сумдын дундаж оноо 32% байсан бол жил бүр өссөөр 2020 онд 60.13%-д хүрч өсжээ.
2020 онд хийгдсэн сумдын ОНХС-ийн ЖГҮ-ий дундаж үзүүлэлтийг сум бүрээр харьцуулахад Дорноговь аймгийн Дэлгэрэх, Даланжаргалан, Замын-Үүд, Иххэт, Мандах, Өргөн сумдын дундаж 60-80% буюу бусдаасаа харьцангуй өндөр үнэлгээ авчээ.
Мэдээллийн эх сурвалж: https://www.facebook.com/LDFMongolia