Хонгорын голын тойром-2019" шагайн харвааны тэмцээнд 9 баг, тойром харваа, багийн харваа, цуваа харвааны төрлөөр оролцлоо. Өмнөговь аймгийн Сэврэй сум үндэсний спорт тоглоом наадгайг хөгжүүлэх зорилгоор олон ажил зохиож байгаагийн нэг ажил болох Үндэсний шагайн спортыг дэмжиж "Хонгорын голын тойром" харвааг 4 дэх жилдээ амжилттай зохион байгуулж байна. Энэ жилийн харвааны онцлог нь "Хонгорын голын тойром" харваа Үндэсний шагайн харвааны улсын календарьчилсан төлөвлөгөөнд тусгагдсан улс бүсийн чанартай тойрмын тоонд орсон мөн Сэврэй сумын уугуул ахмад харваач Дамбажанцан агсны нэрэмжит болгон зохион байгуулж байгаагаараа онцлог байлаа. Шагайн харваан д Сэврэй сум, Гурвантэс, Баяндалай, Баян-Овоо,Даланзадгад сумдууд болон аймгийн Авто тээврийн газруудын баг оролцлоо.