Дархан-Уул аймгийн Засаг даргын 2017-2020 оны үйл ажиллагааны хөтөлбөрт тусгагдсан “Спортлог Дарханчууд” дэд хөтөлбөрийн хүрээнд Нийгмийн Ардчилал Монголын Оюутны холбоотой хамтран Дархан сумын 18-н багийн иргэдийн дунд спортын 4-н төрлийн тэмцээнийг үе шаттайгаар явуулж байна.

2018 оны 04 дүгээр сарын 7,8-ний өдрүүдэд Дархан сумын 1,2,3 дугаар багийн иргэдийн дунд спортын 4-н төрлийн тэмцээн явагдаж аваргуудаа шалгарсан бол өнөөдөр /2018.04.13/ Дархан сумын 4,5, Өргөө багуудын дунд шатар, гар бөмбөгийн тэмцээнээр өрсөлдөж байна.

Нийтдээ өнөөдрийн тэмцээнд 80 гаруй тамирчид хурд хүч авхаалж самбаагаа сорьж байгаа бол маргааш ширээний теннис, сагсан бөмбөгийн тэмцээнээр өрсөлдөх ажээ.