Баруун бүсийн тулгуур төв, Ховд аймгийн хэмжээнд тогтвортой, байгальд ээлтэй, нутгийн иргэдэд түшиглэсэн аялал жуулчлалыг хөгжүүлэх үүднээс “Гурван сэнхэр төвтэй Таван од” дэд хөтөлбөрийг хэрэгжүүлэхээр ажиллаж байгаа. Энэхүү аялал жуулчлалын дэд хөтөлбөрийн танилцуулга, хэлэлцүүлэг 09 дүгээр сарын 03-ны өдөр аймгийн Нутгийн удирдлагын ордны Хуралдааны их танхимд боллоо. Хэлэлцүүлэгт төр, хувийн хэвшлийн төлөөллүүд оролцож, хөтөлбөрт тусгах саналаа илэрхийлэв.